Füzuli rayonunun Böyük Bəhmənli kəndi ərazisində baş verən qəza zamanı ölən və yaralananların kimliyi məlum olub.
NOCOMMENT.az xəbər verir ki, teleqraf-ın Qarabağ bürosunun xəbərinə görə, rayon sakinləri Seymur İsmayılovun idarə etdiyi “Opel” və Mustafa Musayevin idarə etdiyi “VAZ-2104” markalı avtomobillər toqquşub.
Nəticədə “VAZ” 2104 markalı avtomobilin sürücüsü 1965-ci il təvəllüdlü Mustafayev Mustafa Həsənqulu oğlu və onun qızı 1998-ci il təvəllüdlü Mustafayeva Rəmziyə Mustafa qızı ağır xəsarət alıb.
Qəza zaman digər avtomobilin sürücüsü 1987-ci il təvəllüdlü İsmayılov Seymur Pəhləvan oğlu və onun iki sərnişini 2009-cu il təvəllüdlü Əsgərov Turan Elcan oğlu və Heydərzadə Əhəd Nəsimi oğlu hadisə yerində həyatını itirib. Avtomobildə olan sərnişinlərdən 2009-cu il təvəllüdlü Cəfərov Ramazan Elnur oğlu, 2010-cu il təvəllüdlü Abbaszadə Rəvan Elnur oğlu ağır xəsarət alaraq Füzuli Rayon Mərkəzi xəstəxanasına yerlədirilib.
Faktla bağlı araşdırma davam etdirlir.
