Türkiyənin İzmir vilayətinin Aliağa rayonunda yerləşən “HABAŞ” dəmir-polad fabrikində 18 nəfərin ölümü ilə nəticələnən şiddətli partlayışla bağlı saxlanılan 11 şübhəlidən 9-u barəsində həbs qətimkan tədbiri seçilib.
“Qafqazinfo”nun TRT-yə istinadən xəbərinə görə, noyabrın 9-da baş verən faciədən dərhal sonra başlanan istintaq çərçivəsində məhkəməyə çıxarılan 11 şübhəlinin dindirilməsi başa çatıb.
Məhkəmənin qərarı ilə “bir neçə nəfərin ölümünə səbəb olmaq” ittihamı ilə 9 nəfər həbs edilib, 2 nəfər isə ev dustaqlığına buraxılıb.
Həbs olunanlar və saxlanılanlar arasında zavodun direktoru, şirkətin idarə heyətinin sədri, polad zavodunun müdiri, mexaniki təmir rəisi, dövri yoxlama mühəndisləri və digər məsul şəxslər yer alır.
