Cəlilabad rayonunda yaşayış evində yanğın hadisəsi baş verib.

NOCOMMENT.az xəbər verir ki, hadisə rayonun Kazımabad kəndində qeydə alınıb. Adil Əliyevə məxsus, kürsülü, birmərtəbəli və 80 kvadratmetr sahəsi olan evdə qəfil yanğın başlayıb.

Hadisə yerinə Fövqəladə Hallar Nazirliyinin yanğınsöndürən qüvvələri cəlb olunsa da, ev əşyaları ilə birlikdə tamamilə yanaraq yararsız vəziyyətə düşüb.

Məlumata görə, ev təxminən bir ay əvvəl alınıb.

Faktla bağlı araşdırma aparılır. (Bizim.media)