Biləsuvarda qadınları fahişəliyə cəlb edən və evini əxlaqsızlıq yuvasına çevirən ahıl kişi cinayət məsuliyyətinə cəlb edilib.
NOCOMMENT.az Qafqazinfo-ya istinadla xəbər verir ki, 1955-ci il təvəllüdlü R.Kərimovun (ad şərtidir - red.) evində kənar şəxslər aşkar edilib.
Faktla bağlı R.Kərimov barəsində Cinayət Məcəlləsinin 243 və 244-cü (fahişəliyə cəlb etmə və əxlaqsızlıq yuvası saxlama) maddələri ilə iş başlanılıb. Sərfəli qiymətə məhsullar
R.Kərimovun ailə üzvləri Bakıda yaşayır. O, Biləsuvarda tək yaşadığı evdə qonşuluqda yaşayan qadını fahişəliyə cəlb edərək başqa şəxslərlə görüşdürüb. Bunun müqabilində 10 manat pul alıb.
Şübhəli ifadəsində bildirib ki, qonşuluqda yaşayan həmin qadının anasının ona xeyli borcu var və bu məsələ ilə bağlı söhbət etmək məqsədilə onu evinə dəvət edib.
Biləsuvar Rayon Məhkəməsinin hökmü ilə ahıl kişi qeyd edilən maddələr üzrə təqsirli bilinib. Ona 3500 manat pul cəriməsi və qazancından dövlət nəfinə 20% məbləğində pul tutulmaqla, 2 il müddətinə islah işləri cəzası verilib.
