Rumıniya yaxınlığında “Palmali” şirkətinə məxsus tanker dron hücumuna məruz qalıb.
NOCOMMENT.az xəbər verir ki, Mübariz Mənsimovun rəhbərlik etdiyi “Palmali” Şirkətlər Qrupuna məxsus “Ali Najafov” tanker gəmisi gecə saat 2 radələrində Rumıniya yaxınlığındakı Sulina limanı ətrafında hücuma məruz qalıb.
Məlumata görə, hücum zamanı gəmidə 14 nəfər olub. Onlardan 13-nün Azərbaycan, 1-nin isə Türkiyə vətəndaşı olduğu bildirilir.
Hadisə şahidlərinin sözlərinə görə, gəmi heyətinin operativ və cəld müdaxiləsi nəticəsində alovun yük tanklarına keçməsi və dizel yükünün alışmasının qarşısı alınıb. Heyət üzvlərinin təxliyə olunmasını gözlədiyi qeyd olunur.
Xatırladaq ki, bundan əvvəl də azərbaycanlı dənizçilərin olduğu gəmilər oxşar hücumlara məruz qalmışdı.
Mövzu diqqətimizdədir.
Sara,
