Azərbaycanlı gənc Arzum Həsənzadə Litvanın nüfuzlu ali təhsil müəssisələrindən biri olan VILNIUS TECH Universitetinin Süni İntellekt Sistemləri ixtisasına 50 faiz təqaüdlə qəbul olunub.
Gununsesi.info-nun məlumatına görə, Arzum Həsənzadə cari ildə universitetə təqaüdlə qəbul olunan yeganə azərbaycanlı tələbədir.
Qeyd edək ki, bu həftə Litvanın paytaxtı Vilnüsdə Siyasət və Təhlükəsizlik Tədqiqatları Mərkəzində keçirilən tədbir çərçivəsində Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov və Azərbaycanın Litvadakı səfiri Tamerlan Qarayev azərbaycanlı tələbələrlə görüşüblər.
Görüşdə Azərbaycanın gənc və istedadlı tələbələrinin beynəlxalq səviyyədə qazandıqları uğurlar yüksək qiymətləndirilib. Arzum Həsənzadə kimi gənclərin gələcəkdə ölkəmizin inkişafına mühüm töhfələr verəcəyinə əminlik ifadə olunub.
Məlumat üçün bildirək ki, Arzum Həsənzadə süni intellekt sahəsində bir sıra sərgilərdə, o cümlədən beynəlxalq müdafiə sənayesi sərgisi ADEX-də də iştirak edib.
Gənc azərbaycanlı tələbənin beynəlxalq təhsil platformasında qazandığı bu uğur ölkəmizin istedadlı gənclərinin potensialının növbəti göstəricisidir.
The post Azərbaycanlı tələbə Litvanın nüfuzlu universitetinə təqaüdlə qəbul olundu first appeared on Günün Səsi.
