Braziliya millisinin baş məşqçisi Karlo Ançelotti əfsanəvi futbolçu Romarionun istefa tələbinə sərt cavab verib.

NOCOMMENT.az xəbər verir ki, italiyalı mütəxəssis "Globo"ya açıqlamasında Romarionun tənqidlərinə münasibət bildirərkən onun həddindən artıq çox danışdığını deyib.

Xatırladaq ki, Romario yığmanın nəticələrindən, xüsusilə DÇ-2026-dakı çıxışından narazı qalaraq Ançelottinin istefaya göndərilməsini tələb edib.

“Bu, söz azadlığıdır. Demokratik ölkədə hər kəs öz fikrini bildirmək hüququna malikdir. Romario da fikrini söyləyib. Hər kəsin həqiqəti, yalanı və ya cəfəngiyyatı danışmaq hüququ var. Həqiqət budur ki, Romario həddindən artıq çox danışır. Bu da onun hüququdur.

Hazırda Braziliya millisində futbolçuların və oyun sxemlərinin sınaqdan keçirildiyi mərhələdir. Yeni oyunçuları yoxlayırıq. Qiymətləndirmələrimiz çox müsbətdir. Hər zaman yaxşı oynamaq istəyirik, amma eyni vaxtda sınaqlar aparmaq, heyəti yeniləmək və tam hazır komandaya sahib olmaq mümkün deyil.

Hamımız hesab edirik ki, komandamız düzgün yoldadır. Bu istiqamətdə özümüzə böyük inamımız var və seçdiyimiz yolla davam edəcəyik” – deyə Ançelotti açıqlamasında bildirib.\\qol.az