ABŞ-ın Corciya ştatının Atlanta şəhərində “Delta Air Lines” aviaşirkətinin elektron sistemində yaranan texniki nasazlıq ölkə üzrə yüzlərlə reysin gecikməsinə səbəb olub.
Gununesi.info xəbər verir ki, bu barədə “The New York Post” qəzeti məlumat yayıb.
Nasazlıq təyyarələrin çəkisinin və ağırlıq mərkəzinin hesablanmasına cavabdeh olan sistemdə qeydə alınıb. Yerli vaxtla saat 11:00-a olan məlumata görə, ABŞ-ın ən işlək hava limanlarından biri olan Hartsfild-Cekson hava limanında 681 uçuş, ölkə üzrə isə “Delta Air Lines”in 591 reysi təxirə salınıb. “FlightAware” xidmətinin məlumatına görə, Atlantadan uçuşların orta gecikmə müddəti bir saatı ötüb.
Hadisə ABŞ-ın dövlət qurumlarında və iri şirkətlərində ardıcıl texniki nasazlıqların qeydə alındığı dövrə təsadüf edib.
Qeyd edək ki, bir həftə əvvəl Federal Aviasiya Administrasiyası hava hərəkətini idarəetmə mərkəzlərində rabitə probleminə görə ölkə üzrə bütün uçuşları dörd saatdan çox müddətə dayandırmışdı.
Son vaxtlar “Microsoft”, “United Airlines” və “JPMorgan Chase” şirkətləri də genişmiqyaslı texniki problemlərlə üzləşib.
The post ABŞ-da aviaşirkətin sistemində ciddi problem yaranıb first appeared on Günün Səsi.