Paytaxtın Xətai rayonu ərazisində - 8 Noyabr prospektində aparılan qazıntı işləri 2 həftədir ki, bitməyib.
“Qafqazinfo” xəbər verir ki, AFFA-nın qarşısından daralan yol hər gün minlərlə sürücünü tıxacda qoyur.
Sürücülər bildirir ki, xüsusilə məhəllədaxili yollardan 8 Noyabr prospektinə çıxmaq istəyən avtomobillər uzun müddət gözləməli olurlar.
Onların sözlərinə görə, işlər həddindən artıq ləng aparılır.
“Yolun yarısı bağlanıb, işə normal qaydada çata bilmirik”, - deyə sürücülərdən biri vurğulayıb.
“Uşağı dərsə aparmaq üçün saat 7-də evdən çıxıram, ara məsafəsi 5 kilometrdir. Saat 9-da gedib çıxa bilmirəm, uşaq gecikir”, - deyə digər sürücü əlavə edib.
“Buradan Ağ Şəhərə yol 1 saat çəkir. 3 nəfər işləyir orada. Nə var ki üstünü örtməyə?”, - daha bir sürücü irad bildirib.
İri Şəhərlərin Birləşmiş Su Təchizatı Xidmətindən məsələ ilə bağlı bildirilib ki, təmir işlərinin aparılması üçün əraziyə kifayət qədər işçi cəlb olunub və kollektorun aşınmış divarlarında bərpa işləri artıq başa çatıb. Ərazidə son bərpa mərhələsinə başlanılıb.
Daha ətraflı APA TV-nin süjetində: