Birdə de

Əraf surəsi 179-u oxuyaq: “Biz cinlərdən və insanlardan bir çoxunu Cəhənnəm üçün yaratdıq. Onların qəlbləri vardır, lakin onunla (Allahın birliyini sübut edən dəlilləri, özlərinin dini borc və vəzifələrini) anlamazlar. Onların gözləri vardır, lakin onunla (Allahın möcüzələrini) görməzlər. Onların qulaqları vardır, lakin onunla (öyüd-nəsihət) eşitməzlər. Onlar heyvan kimidirlər, bəlkə də, (ondan) daha çox zəlalətdədirlər. Qafil olanlar da məhz onlardır!”

Və oxuduqdan sonra yan-yörənizdəki dindarlardan soruşun. Soruşun ki, ay yoldaşlar axı, ağzınızı açanda islamın sülh, xoşməramlı din olduğunu, allahın ədalətli və adil olduğunu deyərək başımızı dəng edirsiz. Bəs bu 179 nə hoqqadı? Nağıla baxın əzizlər. Deməli, bu allah dedikləri obraz görün nə qədər qəddar biridir ki, insanların çoxunu məqsədli şəkildə öz cəhənnəm obyektini doldurmaq üçün yaradıb. Sonra da insanların başını aldadır ki, cənnət və cəhənnəmə düşmək öz əlinizdədir. Yəni, dediyimə əməl edən cənnətə gedəcək, etməyən cəhənnəmə. Ay dinə, allaha inanan nağılbaş yazıqlar, onsuz da allahınız seçimini edib, özü də lap çoxdan. Boş yerə özünüzü stresə və əziyyətə salmayın. Öləndən sonra o tərəfdə başınızın qapağı açılacaq. Altından üç yazı çıxacaq: “cəhənnəmə”, “cənnətə” və “düşüncəyə” doğru. Bəxtinizə hansının çıxacağını indi də müəyyən edə bilərsiz. Necə? Lazımı kitabları oxumaqla. Vaxtınızı mənasız və həqiqətəndə boş yerə, nəticəsi olmayan dini rituallara sərf etməkdənsə, özünüzü (əsasən də gündəyməz yerinizi) bir balaca əziyyətə salıb araşdırma aparın. İlk əvvəl “Quran”dan və digər tanrı tərəfindən göndərilmiş hesab etdiyiniz kitabları öz ana dilinizdə oxuyun. Daha sonra şumer əfsanələrinə baş vurun. Beləcə ardı özü gələcək.

Mən isə yenə qayıdıram Əraf 179-a. Birincisi, “Quran”ı yazan özü anlamlı idi ki, insan qəlbi ilə anlamır, başı, beyni ilə anlayır, dərk edir, başa düşür. İkincisi, gözü var görmür, qulağı var eşitmir. Ondansa birdəfəlik de ki, heykəl yaratmışam də. Uçuncusu, deyirlər ki, allah yaratdığı içərisində ən gözəl biçimdə insanı yaradıb. Onda öz yaratdığı bu gözəl əsərinə heyavn niyə deyir? Allah nə qədər adil, ədalətli, əxlaqlı, hər şeyi bilən imiş. Bəh, bəəəh. Səni tanımayana lənət Ay tanrısı))